Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lëvizja për Reforma – PDSH ka reaguar ndaj aktit brutal ku një grup huliganësh sllavo-maqedonas kanë sulmuar familjen shqiptare Aliu, e cila po kryente shërbimet mjekësore në Spitalin e Kumanovës. Kjo bandë huliganësh fillimisht e kishte goditur familjen Aliu me makinë e më pas e kishte sulmuar fizikisht. Nga këto sulme, kjo familje ka pësuar lëndime të rënda fizike, ku më shumti ka pësuar fëmija 4-vjeçar i cili ndodhet në rrezik për jetë. Lëvizja për Reforma, e drejtuar nga Ziadin Sela ka kërkuar nga autoritetet përgjegjëse që t’i arrestojnë huliganët maqedonas dhe t’i vënë para drejtësisë ata që shkaktuan këtë sulm shtazarak ndaj familjes Aliu nga Kumanova. Lëvizja për Reforma ka pyetur partinë shqiptare në pushtet, BDI, se përse nuk ka mbrojtur asnjëherë të vetme shqiptarët nga dhuna qoftë shtetërore qoftë ajo e huliganëve.
