Malisheva shpalli më të mirët në sport, kulturë dhe rini

29/12/2018 Institucionet

Komuna e Malishevës, në përfundim të këtij viti, ka shpallur më të mirët në fushat e sportit, kulturës dhe rinisë. Për shpalljen e më të mirëve, është organizuar një ceremoni, ku krahas klubeve dhe organizatave aktive, në këto fusha, mori pjesë edhe nënkryetari i Komunës së Malishevës, Hajidn Berisha, zëvendësministri i Ministrisë për Kulturë, Rini dhe Sport, Rexhep Mazreku, drejtoresha e Drejtorisë për Kulturë, Rini dhe Sport, Besartë Kryeziu-Ramaj dhe të tjerë. “Komuna ka kontribuar në masivizimin e sportit, kulturës dhe aktiviteteve rinore, përmes investimeve konkrete, për klubet, shoqatat dhe organizatat, pasi të gjitha këto i kemi financuar për zhvillimin e aktiviteteve të tyre. Hapja e stadiumit të futbollit, ishte ngjarja që më së shumti më ka gëzuar dhe jam i kënaqur me rezultatet e klubeve tona”, tha nënkryetar i Komunës së Malishevës, Hajdin Berisha, në fjalën e rastit, në këtë ceremoni. Ndërsa zëvendësministri i MKRS-së, Rexhep Mazreku, pasi i ka uruar klubet sportive për rezultatet e arritura, ka premtuar se do angazhohet për përkrahje nga niveli qendror. “Po ashtu falënderoj edhe kryetarin e Komunës së Malishevës, Ragip Begaj dhe nënkryetarin Hajdin Berisha, për investimet e bëra në fushën e sportit, ndërsa për vitin 2019, synim i përbashkët i të gjithëve, është ndërtimi i pishinës gjysmë olimpike”, tha zëvendësministri i MKRS-së, Rexhep Mazreku. Klubet, organizatat dhe shoqatat e Komunës së Malishevës, i ka falënderuar dhe uruar edhe drejtoresha e Drejtorisë për Kulturë, Rini dhe Sport, Besartë Kreziu-Ramaj, e cila gjithashtu premtoi se do të angazhohet edhe më shumë në vitin e ardhshëm, në ngritjen e sportit, kulturës dhe rinisë. Përndryshe, komisioni i formuar për vlerësimin e rezultateve më të mira në tri fushat, i ka shpallur më të mirët dhe ata janë: Klubet  më të mira të vitit : Klubi i Atletikës “Malisheva” Klubi i Futsallit “Malisheva” Klubi i Futbollit të Femrave “Malisheva” Sportistët e vitit : Eriona Begaj, Arbesa Kastrati dhe Arbnora Berisha, sportistët U16: Lekë Mazreku, Leonit Buzhala dhe Fortesa Berisha, kurse trajnerë të vitit Adrian Mazreku, Senad Alirifa dhe Adrian Telaku. Në fushën kulturës, më të mirë u shpallën Shoqata për Kulturë dhe Letërsi “Tafil Kelmendi”. Kurse në rini, për aktivitetet rinore, më e mirë u shpall, aktivistja e rinisë, Fllanzë Mazreku.

Kontrolloni gjithashtu

Kryetari Haliti vizitoi fshatin Stubëll

Kryetari i komunës së Vitisë z. Sokol Haliti vizitoi fshatin Stubëll. Aty  nga afër ai …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara