Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sekretari i Përgjithshëm i NATO-s, Mark Rutte, u ka bërë thirrje vendeve evropiane që të ndalin shqetësimet e tepruara për një tërheqje të mundshme të Shteteve të Bashkuara nga Aleanca Veri-Atlantike. Duke folur për emërimin e Komandantit të ri Suprem të Forcave Aleate në Evropë, Rutte tha se shqetësimet janë të ekzagjeruara dhe se SHBA vazhdon të mbetet plotësisht e përfshirë në strukturat e NATO-s. “Komandanti i ri Suprem është shpallur, dhe herën e fundit që kontrollova pasaportën e tij, ishte amerikane,” tha Rutte, duke iu referuar gjeneralit amerikan Alexus G. Grynkeëich, i sapoemëruar në krye të komandës ushtarake të NATO-s në Evropë. Në një prononcim për gazetën britanike The Guardian, Rutte shtoi se vendet evropiane duhet të fokusohen në rritjen e mbështetjes për Ukrainën dhe në forcimin e kapaciteteve të tyre mbrojtëse. “Mos vraponi përreth të shqetësuar për SHBA-në. Ata janë këtu, janë me ne. Tani është koha të investoni, të zgjeroni bazën industriale dhe të siguroheni që mbështetja për Ukrainën të mos bjerë,” theksoi Rutte.
