Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Marrëdhëniet e kryeministrit, Albin Kurti dhe Qeverisë së tij me Shtetet e Bashkuara të Amerikës janë në pikën më të ulët, prej kur Partia Vetëvendosje ka marrë mandatin e dytë qeverisës në vend. Shkak, i dëmtimit të marrëdhënieve është mos koordinimi i përgjithshëm në çështjet që mund të ngadalësojnë apo rrezikojnë progresin në implementimin e marrëveshjeve me Serbinë. Amerika e ka të qartë se Kurti nuk po e trajton si partner, ka thënë Ndihmës Sekretari amerikan i Shtetit James O’Brien. Ky ishte sugjerimi që zyrtari i lartë i Administratës së Bidenit, i ngarkuar për çështjet e Evropiane dhe të Euro-Azisë, e kishte përcjellë për Qeverinë e Kosovës dhe kryeministri Albin Kurti, rreth 1 muaj më parë. Zyrtarja e lartë amerikane, Erin McKee, u takua me Vjosa Osmani, ku theksoi praninë 25-vjeçare të USAID-it në Kosovë dhe u zotua se Amerika do të vazhdojë përkushtimin ndaj Kosovës, pavarësisht mosmarrëveshjeve me “qeveri të caktuara”. Ndëshkimi amerikan për Kurtin ndodhë për herën e parë, por jo edhe për anëtarë të kabinetit të tij. Në nëntor të vitit 2022, Ministres së Drejtësisë, Albulena Haxhiu, dhe disa zyrtarëve të tjerë qeveritarë, Amerika ua kishte ndaluar një vizitë në Uashington, si ndëshkim për vendimin e Kurtit lidhur targat që ishte pasuar me “krizën e madhe” në veri. Veprimet “e pakoordinuara” të Qeverisë së Kosovës dhe tensionet në veri të vendit, Kosovës, po i kushtojnë edhe me sanksione nga Bashkimi Evropian.(Reporteri.net).
