Mbahen dëgjimet buxhetore në bashkësinë lokale të Rezallës dhe Likocit

28/07/2018 Institucionet

Kanë vazhduar edhe të Enjten dëgjimet buxhetore me publikun nga Komuna e Skenderajt, në bashkësitë lokale të Rezallës dhe Likocit. Kryetari i Komunës së Skenderajt, Bekim Jashari dhe drejtori për Ekonomi, Financa dhe Zhvillim, Mehmet Berisha, kanë prezantuar para qytetarëve të këtyre lokaliteteve planifikimet e komunës për vitet e ardhshme, si dhe kanë dëgjuar kërkesat e qytetarëve për investimet në zonat ku ata jetojnë. Kryetari Jashari i ka inkurajuar qytetarët t’i paraqesin kërkesat me shkrim, për investime dhe realizim të projekteve në fshatrat dhe lagjet e tyre, të cilat do të realizohen gjatë periudhës së ardhshme 3 vjeçare. Edhe drejtori Berisha, në këto dy dëgjime ka folur për rëndësinë e përfshirjes së qytetarëve në këto procese, në mënyrë që projektet të ideohen në bashkëpunim me qytetarët e komunës. Nga ana tjetër, qytetarët kanë paraqitur kërkesa për investime në infrastrukturën rrugore, kanalizime dhe në sistemin e ujësjellësit.

Kontrolloni gjithashtu

Kryetari Latifi mbajti mbledhjen e radhës me drejtorët e drejtorive

Kryetari i komunës së Rahovecit Smajl Latifi, mbajti mbledhjen e përjavshme me drejtorët e drejtorive, …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara