Mbahet dëgjimi i radhës buxhetor në Skenderaj

16/08/2018 Institucionet

Është mbajtur të mërkurën pasdite dëgjimi i radhës buxhetor, me banorë të qytetit të Skenderajt dhe përfaqësues të lagjeve të fshatit Klinë e Poshtme. Kryetari i Komunës së Skenderajt, Bekim Jashari, duke folur për ciklin e dëgjimeve buxhetore me publikun, ka përmend rëndësinë e pjesëmarrjes së qytetarëve në procesin e hartimit të buxhetit për vitin e ardhshëm, si dhe planifikimet për vitet 2020-2021. Edhe drejtori për Financa, Ekonomi dhe Zhvillim, Mehmet Berisha, ka fol për rëndësinë e pjesëmarrjes së qytetarëve në dëgjime, pasi në këtë mënyrë, ata bëhen hisedarë dhe bashkë-hartues të buxhetit. Qytetarët ndërkaq, kanë paraqitur kërkesa të ndryshme, kryesisht të infrastrukturës rrugore brenda zonës urbane, kanalizime, ujësjellës, por edhe projekte që lidhen me artin dhe kulturën. Kryetari Jashari dhe drejtori Berisha janë zotuar se pas përfundimit të këtyre dëgjimeve, Ekzekutivi i Skenderajt do të shqyrtojë pikë për pikë çdo kërkesë që është paraqitur gjatë ciklit të dëgjimeve, dhe më pas do të hartohet lista me prioritete, varësisht nga nevoja për investime në komunën e Skenderajt.

Kontrolloni gjithashtu

Komuna e Ferizajt apelon qytetarët për respektimin e orarit të përdorimit të insekticideve

Pas vizitës tek bletari që posedon qindra zgjoje bletësh Rrahim Grainca komuna e Ferizajt ka …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara