Mbahet mbledhja e rregullt e Kuvendit të Komunës së Deçanit, votohet ndryshimi i Statutit të Komunës

31/10/2019 Institucionet

Është mbajtur mbledhja e rregullt e Kuvendit të Komunës të Deçanit, ku për diskutim kanë qenë 5 pika të rendit të ditës, mirëpo kryesuesi i Kuvendit ka propozuar edhe dy pika shtesë për këtë mbledhje, ku në bazë të memorandumit të nënshkruar me shoqatën  bamirëse ,,Jetimat e Ballkanit’’ për ndërtimin e 10-të shtëpive në Komunën e Deçanit, të ndahen mjete në vlerë prej 50 mijë euro, dhe pika e dytë të ndahen mjete për  Caritasin-Zviceranë, të cilët në bashkëpunim me Komunën kanë ndihmuar bletarët e komunës së Deçanit. Këto dy pika kanë marrë mbështetjen e asamblesë komunale. Në mbledhje merrnin pjesë, kryetari i Komunës së Deçanit, Bashkim Ramosaj, kryesuesi i Kuvendit, Haki Shehaj, i cili edhe e ka kryesuar mbledhjen, anëtarë të Kuvendit, drejtor të drejtorive komunale, përfaqësues të OSBE-së, monitorues dhe shoqëri civile. Para miratimit të procesverbalit nga mbledhja e kaluar është bërë zëvendësimi i asamblistit Rifat Stojkaj nga AAK me Rexhë Sutaj –AAK, mbase Rifat Stojkaj, është emëruar Drejtor për Bujqësi Pylltari dhe Zhvillim Rural. Pas miratimit të procesverbalit janë diskutuar pikat e rëndit të ditës

– Shqyrtimi dhe miratimi i procesverbalit nga mbledhja e kaluar,

– Shqyrtimi  i raportit statistikor të Drejtorisë së arsimit,

– Shqyrtimi i raportit të Auditorit të Jashtëm për vitin 2018,

– Shqyrtimi i raportit nëntë (9) mujor të shpenzimeve,

– Shqyrtimi dhe miratimi i propozimit për ndryshimin dhe plotësimin e Statutit të Komunës,

-T ë ndryshme

Me shumicë votash është votuar edhe propozim ndryshimi për plotësimin e Statutit të Komunës  së Deçanit, Status i cili ka qenë mëse i domosdoshëm për një ndryshim në mënyrë që ti hapë rrugë Institucionit Komunal, për ndryshime të brendshme. Për rëndësinë  e Statutit ka fol vet i pari i komunës Bashkim Ramosaj, i cili tha se ky Statut hapë rrugë për Institucionin Komunal, duke bërë të mundur që të ndryshohet edhe Logo e komunës etj. Për këtë pikë pothuajse kanë diskutuar të gjitha subjekte politike. Pas miratimit të kësaj pike është krijuar edhe një komision nga Asambleja Komunale dhe ekzekutivi. Komisioni ka këtë përbërje:

  1. Rexhë Sutaj-AAK

  2. Lirije Zukaj-AAK

  3. Kestrim Avdimetaj-PDK

Me dy anëtar nga ekzekutivi do të plotësohet. Për raportin statistikorë të Drejtorisë së Arsimit sqarimet e duhura i dha vet drejtori i Arsimit Bekim Vishja, duke ju bërë me dije se një ekip profesional është duke punuar për një Strategji të Arsimit afatgjatë dhe të mirëfilltë, kurdo që të jetë e gatshme do të prezantohet në njërën nder seancat e Asamblesë Komunale. Në këtë seancë është diskutua edhe për Shqyrtimin e raportit të Auditorit të Jashtëm për vitin 2018, ku nga Asamblistët u dha rekomandimi për ekzekutivin komunal që të gjeturat nga ky raport të mos përsëriten edhe në të ardhmen. Seanca ka vazhduar me raportin nëntë (9) mujor të shpenzimeve, ku janë dhënë vërejtje por në të njëjtën kohë edhe sqarime për të gjitha shpenzimet janë  nga drejtori për Buxhet dhe Financa Agron Demukaj. Në të ndryshme Drejtoresha për Kulturë Rini dhe Sporte Leonora Ukëhajdaraj, kërkoi nga asamblistët, miratimin e tyre për emërtimin e dy fushave sportive të cilat do të ndërtohen nga MKRS-ja në emër të Dëshmorëve. Në fshatin Irzniq Fusha Sportive me emrin e Dëshmorit Mustafë Çekaj dhe në fshatin Shaptej fusha sportive me emrin e Dëshmorit Rexhep Hajdaraj. Pas dhënies së arsyeshmërisë kjo kërkesë u miratua më vota unanime. Në të ndryshme janë parashtruar edhe disa pyetje parlamentare.

Kontrolloni gjithashtu

Filloi edhe një projekt i ri rrugor në komunën e Skenderajt

Filloi edhe një projekt i ri rrugor në komunën e Skenderajt, shumë i rëndësishëm për …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara