Mbi 1 milion euro investime për ujësjellësin në 10 fshatra të Klinës

05/07/2017 Institucionet

Komuna e Klinës, në bashkëpunim me Organizatën qeveritare Zvicerane CDI dhe Qeverinë e Kosovës, janë duke realizuar projektin e ujësjellësit në 10 fshatra të Komunës së Klinës të cilat kanë probleme më ujësjellës e për të cilat do të investohen mbi 1 milion euro. Behët fjale për rregullimin dhe riparimet në ujësjellësin e fshatrave Sferkë, Volljakë, Dush, Gremnikë, Grabanicë, Qypevë e Ulët dhe e Lartë, Resnikë, Bingjë dhe Grapcë. Kjo konfirmohet nga menaxheri i Njësisë së Kompanisë Publike “ Hidrodrini” në Klinë, Halil Berisha. Këto projekte janë në fazën përfundimtare dhe shumë shpejt do të jenë në shërbim të qytetarëve pasi qe ka mbetur vetëm montimi i pompave të ujit. Njëherësh, gjitha kyçjet ilegale do të eliminohen. Kryetari i Komunës së Klinës, Sokol Bashota, thotë se prioritet i qeverisjes lokale është sigurimi i ujit të pijshëm për qytetarët si element jetik. “Më këto projekte pothuajse rrumbullakohet zgjidhja e problemit të ujit gati në të gjitha fshatrat e Komunës së Klinës. Po punojmë më përkushtim që të lehtësojmë sa më shumë jetën e qytetarëve tanë në zonat rurale që kanë mungesë uji”, thotë Bashota sipas të cilit në prioritet janë edhe fshatrat e Lugut të Drinit. Përveç këtij projekti të madh kapital dhe shumë të rëndësishëm në infrastrukturën rrugore, në fazën e dytë, parashihet edhe rregullimi i ujësjellësve në fshatrat Caravikë, Qabiq, Zabergjë, Gllarevë dhe Përqeve, ku janë paraparë rreth 700 mijë euro. Bashota falënderon partnerët që kanë ndihmuar në realizimin e këtyre projekteve dhe Njësinë “ Hidrodrini” në Klinë, për punën dhe angazhimin që po bën për këto projekte.

Kontrolloni gjithashtu

Në Malishevë kanë filluar punimet për zgjidhjen e problemit me energji elektrike

Kryetari i komunës së Malishevës Ekrem Kastrati, përmes një video-mesazhi, i ka njoftuar qytetarët e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara