Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Më 1 dhe 2 prill të vitit 1981 në Prishtinë dhe në shumë qytete të Kosovës janë zhvilluar demonstrata e protesta masive, në të cilat kanë marrë pjesë qindra mijëra pjesë nxënës, studentë, punëtorë dhe shqiptarë liridashës nga mbarë vendi. Kërkesa për barazinë e Kosovës me republikat e tjera në ish-RSFJ ishte artikuluar me moton “Republikë-Kushtetutë ja me hatër ja me luftë”, dhe kishte mbetur edhe kërkesa kryesore në të gjitha demonstrata e mëvonshme prej vitit 1981 e deri në çlirimin e Kosovës në qershor të vitit 1999.
Protestat kishin filluar më 11 mars kishin vazhduar më 26 mars, por ishin intensifikuar dhe kishin marrë përmasa të kryengritjes popullore më 1. 2 dhe 3 mars të vitit 1981.
Gjatë protestave forcat policore të RSFJ-së dhe ato të Kosovës kanë vrarë 11 demonstrues kanë plagosur me armë zjarri më shumë se 150 prej tyre ndërsa kanë arrestuar e dënuar dhjetëra mijëra pjesëmarrës në demonstrata, organizatorë të tyre si dhe pjesëtarë të grupeve të Lëvizjes Atdhetare. Lëvizja për Republikën e Kosovës që kishte filluar në vitin 1981, ishte kurorëzuar me fitoren e luftës së UÇK-së, në qershor të vitit 1999, ndërsa Kosova kishte shpallur pavarësinë më 17 shkurt të vitit 2008.
