Brickos

Mehmet Bislimi

Mehmet Bislimi: Pritje

kohë moderne kjo

shumëllojshmërinë e pritjes të ofron

përtej hijeve te tejdukshmërisë

si të vjen për së mbari

ulur a në këmbë

në luadhe mbi bari

 

pritje në arë

në radhë

në zyrë

në trotuar

hundë shtypur

e buzë varë

 

pritje shtrirë

i plogësht nën jorgan

herë ngazëllyer e hijerëndë

herë fytyrë shëmtuar e pa dhëmbë

dehur e tymosur me  duhan

pritje shpresash vrarë

 

të gjithë ata që presin

janë të vonuar

dhe si të vonuar në jetë

në dyert e mbyllura të botës

trokasin

kot

tash e sa vjet

të vonuarit kush i pret

më thoni

se më luajtën mend e kresë

 

Zvicër, 29. 1.2019

Kontrolloni gjithashtu

Albert Zholi

-Albert Z. ZHOLI: Flasin për Ditën e Verës: Luan Zhegu, Bashkim Alibali, Paro Ziflaj dhe Vitore Stefa. Leka

Flasin Luan Zhegu, Bashkim Alibali, Paro Ziflaj dhe Vitore Stefa. Leka -Dita e Verës nuk …