Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Punëve të Jashtme, Behgjet Pacolli po merr pjesë në ministerialin e Grupit të Vishegradit, plus vendeve të Ballkanit perëndimor. Gjatë pjesëmarrjes në këtë takim, ministri Pacolli u takua me shefin e diplomacisë polake, Jacek Kaputoviç theksoi se Kosova dhe Polonia janë të gatshme të forcojnë marrëdhëniet dypalëshe. Unë do vizitoj Prishtinën dhe ju jeni të mirëpritur në Varshavë. Ndërkohë, ministri i Punëve të Jashtme, Behgjet Pacolli tha se posa t’i jepet rasti ai do ta vizitoj Varshavën për vendosjen e marrëdhënieve diplomatike dhe të forcojmë bashkëpunimin ekonomik. Ju jeni partnerët më të mirë për ne, sepse na kuptoni shumë mirë, theksoi ministri, Behgjet Pacolli. Gjatë takimit miqësor u diskutua edhe për zhvillimet rajonale. I pyetur sesi e sheh përfundimin e bisedimeve Kosovë-Serbi, ministri Pacolli tha se Kosova është shtet i pavarur, i gjithë pranuar dhe Serbia fqinji i saj. Dialogu përfundimtar po bazohet pikërisht mbi këto premisa, sepse ne duam të ndërtojmë të ardhmen e sigurt të fëmijëve tanë. Ministeriali, që po zhvillohet pak ditë para samitit të Sofies, do të përqendrohet në problematikën e zgjerimit të Bashkimit Evropian dhe bashkëpunimit dypalësh të vendeve pjesëmarrëse. Në të marrin pjesë shumë ministra të jashtëm.
