MIT
Airport Adem Jashari
tv dielli
kek
Fillimi / Institucionet / Ministri Gashi ka inspektuar punimet në renovimin e Kullës së Azem Galicës

Ministri Gashi ka inspektuar punimet në renovimin e Kullës së Azem Galicës

Ministri i Kulturës, Rinisë dhe Sportit, Kujtim Gashi inspektoi punimet që po bëhen për restaurimin dhe konsolidimin e Kullës së Azem Bejtës, në Galicë të Vushtrrisë, të cilat po bëhen nën koordinimin dhe monitorimin e Qendrës Rajonale për Trashëgimi Kulturore në Mitrovicë. Me këtë rast, ministri Gashi vlerësoi punimet që po realizohen në projektin që MKRS-ja po financon në kuadër të revitalizimit të Kullës. Ai tha se “Ruajtja e monumenteve të rëndësishme historike të Republikës së Kosovës, do të mbetet përkushtim i imi edhe në të ardhmen. Kulla e Azem Galicës, e ndërtuar në fund të shek. XIX, ishte djegur tri herë. Ajo ishte kullë fortese dhe qëndrimi i përhershëm i komandantit në të, i dha popullit zemër dhe trimëri të shumëfishtë, me ç ‘rast u ngrit morali luftarak”. “Në këtë kullë mbaheshin mbledhje dhe kuvende të rëndësishme, u morën vendime historike, andaj kjo kullë u bë pishtar i ndezur i lirisë” shtoi ministri Gashi. Në kuadër të projektit restaurues dhe konsolidues është i planifikuar sanimi i mureve të kullës dhe të oborrit, pastrimi dhe rregullimi i konstruksioneve të drurit, rregullimi i oborrit dhe i varrezave.

Kontrolloni gjithashtu

Komuna e Rahovecit ka pranuar donacion prej 200 pako ushqimore dhe 200 thasë miell të cilat do të shpërndahen për nevojtarët

Komuna e Rahovecit ka pranuar një donacion prej 200 pako ushqimore me artikuj themelorë dhe ...