MIT
mbpzhr 2018
Airport Adem Jashari
kek
Fillimi / Institucionet / Ministri Gashi nënshkruan memorandume bashkëpunimi me komunën e Gjakovës

Ministri Gashi nënshkruan memorandume bashkëpunimi me komunën e Gjakovës

Ministri i Kulturës, Rinisë dhe Sportit, Kujtim Gashi, priti në takim Kryetarin e Komunës së Gjakovës, Ardian Gjini. Në këtë takim, ministri Gashi e kryetari Gjini kanë nënshkruar dy memorandume bashkëpunimi për mbështetje financiare për projektet “Renovimi i Stadiumi të Qytetit në Gjakovë” dhe “Ndërtimi i kompleksit të tenisit në Komunën e Gjakovës”. Memorandumi për “Renovimin e Stadiumi të Qytetit në Gjakovë” do të implementohet gjatë viteve 2019/2020/2021, MKRS për këtë memorandum bashkëpunimi investon  mjetet financiare në vlerë prej 1,300,000.00 €, ndërsa memorandumi për “Ndërtimin e kompleksit të tenisit në Komunën e Gjakovës”, do të implementohet gjatë vitit 2019, ky investim mbështete me mjetet financiare në vlerë prej 383,000.00 €. Me këtë rast, ministri Gashi tha se nënshkrimi i këtyre memorandumeve  për investime në fushën e sportit në komunën e Gjakovës, po bëhet me qëllim të krijimit dhe avancimit të infrastrukturës sportive. “Pas këtyre investimeve të rinjtë e Gjakovës dhe sportistët e këtij qyteti do të kenë mundësi më të mira për realizimin e aktiviteteve të tyre sportive”. Tutje ministri tha se “Ne si Ministri e sportit mbetemi të përkushtuar që të bashkëpunojmë ngushtë me gjitha komunat e Kosovës, dhe t’i ndihmojë ato në përmirësimin e infrastrukturës sportive, sepse kështu krijohen mundësi dhe kushte të volitshme për zhvillimin e aktiviteteve sportive”.

Kontrolloni gjithashtu

Fillojnë punimet në rregullimin e rrugës bujqësore në fshatin Vërban të Vitisë

Në fshatin Vërban të Vitisë, kanë filluar punimet në rregullimin e rrugës bujqësore që lidhë ...