Brickos

Ministri Gashi vizitoi ShKA “Agimi” në Prizren

13/11/2017 Institucionet

Ministri Kujtim Gashi ka vizituar përfaqësuesit e Shoqërisë Kulturo-Artistike “Agimi” në Prizren, me ç’rast i ka njoftuar për vendimin e marrë në Ministrinë e Kulturës, Rinisë dhe Sportit, rreth përfshirjes së veprimtarisë së ShKA “Agimi” në listën e përkohshme të mbrojtjes së trashëgimisë kulturore. Ministri uroi anëtarësinë e gjerë të kësaj shoqërie kulturore dhe të gjithë ata që dhanë kontributin e tyre për shumë dekada në Shoqërinë “Agimi” dhe u zotua që për shkak të veprimtarisë së bujshme që ka dhënë kjo shoqëri kulturore gjatë shtatëdhjetë viteve të kaluara, do të këtë mbështetjen dhe vëmendjen e tij të vazhdueshme si ministër, por edhe të MKRS-së. “Bashkëbiseduam edhe për problemet që ekzistojnë tash e një kohë të gjatë me disa anëtarë të cilët nuk pajtohen me zhvillimet në këtë shoqëri kulturore. U dakorduam që të fillojmë një dialog të ri për ta tejkaluar këtë ndasi dhe për të funksionuar shoqëria si një organizatë kulturore e bashkuar, pa probleme organizative”, u shpreh ministri.  Po ashtu ministri porositi që përmes dialogut dhe takimeve mes tyre t’i lehtësojnë problemet eventuale deri në tejkalimin e keqkuptimeve dhe të vijnë deri tek arritja e marrëveshjes.

Kontrolloni gjithashtu

Nënshkruhet Memorandum i Mirëkuptimit në mes të Komunës së Vitisë dhe organizatës “CNVP”

Sot, kryetari i komunës së Vitisë, Sokol Haliti, ka pritur në takim Xhevat Lushin – …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara