MIT KS
Fillimi / Lajmet / Ministri i Arsimit, Shyqyri Bytyqi po e shqyrton mundësinë e futjes së Edukatës Shëndetësore si lëndë në shkolla
Ministri Bytyqi vazhdon ta përkrah idenë e kryetari të Dardanës, Qëndron Kastratit, për mbylljen e 19 shkollave

Ministri i Arsimit, Shyqyri Bytyqi po e shqyrton mundësinë e futjes së Edukatës Shëndetësore si lëndë në shkolla

Asnjëherë në sistemin shkollor në Kosovë nuk ka ekzistuar një lëndë edukative shëndetësore. Por, duke marrë si shkas dyshimet për abuzime seksuale, ministri i Arsimit, ka deklaruar se do ta shqyrtojë mundësinë e futjes në shkolla të lëndës “Edukata Shëndetësore”, që ndërlidhet me edukimin seksual. Mirëpo, Argjend Osmani, njohës i çështjeve arsimore, ka deklaruar se kjo nismë është e vonshme. Sipas tij, ministri Bytyqi duhet ta iniciojë një hulumtim të etikës së mësimdhënësve në shkolla dhe trajtimit që ata ua bëjnë nxënësve. Edhe Rinor Qehaja ka thënë se një lëndë e tillë mund të futet kurdo në kurrikulë, por duhet kohë e gjatë për ta kompletuar atë bashkë me tekstet shkollore. Prandaj, diçka e tillë, sipas tij, do të duhej të ndodhte qëmoti. Ministri Bytyqi, ka thënë se po synon ta fuqizojë edhe rolin e prindit në shkollë, në mënyrë që të raportohen të gjitha parregullsitë që mund të ndodhin brenda shkollës.

Kontrolloni gjithashtu

Artan Behrami

Artan Behrami: Procesi i dialogut i paralajmëruar nga Franca dhe Gjermania do ta ketë fatin e liberalizimit të vizave

Këshilltari i kryetarit të Kosovës, Artan Behrami, shkruan   se procesi i dialogut i paralajmëruar nga ...