Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Komisionin për Bujqësi ka raportuar ministri i Bujqësisë, Pylltarisë dhe Zhvillimi Rajonal, Faton Peci, ku tha se gjendja në këtë ministri është shumë e rëndë. Ai gjatë këtij raportimi tha se në kuadër të kësaj ministrie kanë hartuar programin dhe ligjet në kuadër të sektorit të bujqësisë. “Kemi hartuar programin e katër viteve dhe planin legjislativ, duke përfshirë këtu strategjitë për pyjet. Gjendja e ministrisë është shumë e rëndë, pa politika të qarta dhe niveli i borxheve dhe keqpërdorimeve vërehet dukshëm. Mund të themi që është një nga ministritë me gjendjen më të keqe”, tha Peci. Tutje ai theksoi se diku 4 milionë euro janë marrë për t’u shfrytëzuar për subvencione dhe që fermerët të iu dalin në ndihmë. Ndërsa 8.9 milionë euro janë për rimëkëmbje ekonomike dhe 1.3 milionë do ju ndahen fermerëve, por ai shtoi se fatkeqësisht ka parregullsi në pjesëmarrjen e subvencioneve, por çështje që do definohet qartë më tutje.
