Ministria e Zhvillimit Rajonal fton bizneset e Ferizajt që të konkurrojnë për përfitimin e granteve deri në 25 mijë euro

22/01/2019 Institucionet

Qytetarë dhe afaristë ferizajas gjatë ditës së martë e kanë pasur rastin që të marrin informacione të nevojshme rreth aplikimit në një skemë të granteve për hapjen apo rritje të bizneseve. Zyrtarë nga Ministria e Zhvillimit Rajonal bashkë me ata nga Drejtoria komunale për Zhvillim Ekonomik dhe Turizëm, kanë mbajtur një takim informues me qytetarët e Ferizajt të cilët janë të interesuar për të përfituar nga grantet qeveritare për hapje të bizneseve apo zgjerim të tyre. Të gjithë qytetarëve të interesuar për përfitimin e këtyre granteve u ka bërë thirrje që ta shfrytëzojnë këtë mundësi edhe drejtori për Zhvillim Ekonomik dhe Turizëm në Komunën e Ferizajt, Zekir Bytyqi. Ai ka sqaruar se projekti ka tri loto dhe shumat që do të mund të përfitohen janë nga 2 mijë deri në 25 mijë euro. Ai ka potencuar se ky projekt nuk ka ndonjë lidhje me Fondin e Punësimit dhe se kanë të drejtë të gjithë ata që i plotësojnë kushtet që të aplikojnë edhe për grantet e Ministrisë. Nga ana tjetër Agim Zeka nga Agjencia Rajonale për Zhvillim Lindje, potencoi se për gjithë Kosovën është i përcaktuar një buxhet prej 2.4 milionë eurosh , prandaj është një mundësi e mirë që edhe afaristët e Ferizajt të aplikojnë për të përfituar mjete pune të cilat do të ndikojnë në punësime të reja dhe prodhime vendore. Ndërkaq interesimet e qytetarëve lidhur më këtë projekt ishin nga më të ndryshmet duke u nisur mënyra e aplikimit deri tek sigurimi i ofertave për këto mjete. Në takimin e mbajtur sot për aplikim në grantet e Ministrisë për Zhvillim Rajonal u bë e ditur se afati për aplikim do të zgjasë deri më 22 shkurt dhe aplikimi duhet të bëhet vetëm në platformën online. Ndryshe dokumentet e dorëzuara në forma të tjera nuk do të merren parasysh për shqyrtim.

Kontrolloni gjithashtu

Në Sllatinë të Epërme të Vitisë u përkujtua dëshmori Njazi Rexhepi dhe u shënua dita e shkollës

Sot, në Sllatinë të Epërme të Vitisë, u shënua dita e shkollës dhe u përkujtua …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara