MPMS dhe IP me plan operativ në ndërtimtari, pezullohet puna në mbi 30 vendpunishte

Tema të tjera...

Po vazhdon vaksinimi i bagëtive në komunën e Ferizajt

15/05/2024

Kryetari Aliu priti në takim delegacionin nga Gjermania

15/05/2024

Njoftim për qytetarët e komunës së Rahovecit

15/05/2024

Asfaltohen mbi 1.5 km rrugë në Burrnik të komunës së Ferizajt

15/05/2024

Nënkryetari i komunës së Ferizajt, Lulzim Aliu ka pritur në takim përfaqësuesit e KFOS

15/05/2024

Komuna e Skenderajt do të organizoj akademi përkujtimore për heroin Abaz Thaçi dhe 10 dëshmorë tjerë

15/05/2024

Ministria e Punës dhe Mirëqenies Sociale (MPMS), përmes Inspektoratit të Punës (IP), në vazhdën e angazhimeve dhe masave të ndërmarra për rritjen e sigurisë dhe shëndetit në punë, ka hartuar Planin Operativ për ngritjen e masave të sigurisë në vendet e punës, me theks në sektorin e ndërtimtarisë. Përgjatë dy javëve, në Komunën e Prishtinës, ku është më i përqendruar sektori i ndërtimtarisë, gjatë inspektimit të rreth 160 vendpunishteve janë shqiptuar 14 gjoba (ato subjekte të cilat nuk i kanë zbatuar vendimet e inspektorëve nga inspektimet e mëhershme), dhe janë ndërprerë punimet me masën e pezullimit të përkohshëm në 11 subjekte. Pas vizitave dhe analizave të planit operativ të zhvilluar përgjatë dy javëve të kaluara, MPMS dhe IP kanë konstatuar se këto masa nuk kanë rezultuar të mjaftueshme në ngritjen e masave të sigurisë, gjithmonë në funksion të zbatimit të legjislacionit në fuqi. Duke pasur parasysh rastet e aksidenteve, lëndimeve dhe atyre me fatalitet, me kërkesë të ministrit të MPMS-së, Skender Reçica, për zbatim të pa kompromis të legjislacionit në fuqi, Inspektorati i Punës nga e premtja ka vazhduar riinspektimet në këtë sektor, duke kërkuar nga subjektet zbatimin e plotë të masave të sigurisë (skelet) dhe pajisjet personale mbrojtëse, me ç’rast është pezulluar puna përkohësisht në mbi 30 vendpunishte të ndërtimit. Qëllimi i vetëm i aktivitetit të përqendruar në sektorin e ndërtimtarisë, është rritja e masave të sigurisë, me qëllim të mbrojtjes së shëndetit dhe jetëve të punëtorëve. Për informim të qytetarëve dhe subjekteve që për veprimtari kanë sektorin e ndërtimit, ju njoftojmë se pezullimet e përkohshme të punës në vendpunishte nuk janë shoqëruar me gjoba. Subjekteve u është dhënë vendimi për pezullim të punëve deri në plotësimin e masave të sigurisë, gjoba pason në rastet kur shkelet ky vendim nga subjektet. MPMS dhe IP u bëjnë thirrje të gjithë punëdhënësve që të respektojnë masat e përcaktuara me legjislacion rreth sigurisë dhe shëndetit të punëtorëve në vendin e punës dhe njëherit të gjithë punëtorëve që të raportojnë rastet kur të drejtat e tyre nuk respektohen dhe shkelën nga punëdhënësit. MPMS do të jetë e pakompromis në zbatimin e legjislacionit në fuqi.