KEK
Fillimi / Botimet / Mustafë Krasniqi: Këto ditë doli nga shtypi libri publicistik i Isuf Bytyçit „Krahët e Shqipes – Përpjekje e pengesa“
Mustafë Krasniqi: Këto ditë doli nga shtypi libri publicistik i Isuf Bytyçit „Krahët e Shqipes – Përpjekje e pengesa“

Mustafë Krasniqi: Këto ditë doli nga shtypi libri publicistik i Isuf Bytyçit „Krahët e Shqipes – Përpjekje e pengesa“

Përveç se iu ka shtuar një libër më tepër galerisë së librit shqiptare, ky libër në vete trajton tematika të ndryshme, kryesisht ato kombëtare, shoqërore-politike dhe ideologjike, ku ndërtimin i tij bazohet në katër shtylla kryesore: Opinione, Aktivitete kulturore, Polemika dhe Bashkëbisedime.  Autori, është i guximshëm i sinqertë i paanshëm dhe parimor! Qasja e temave të parashtruara, përmes opinionit të tij nxjerr në pah defektet shoqërore dhe individuale, në shoqërinë shqiptare! Prandaj, thumbon të keqen, me qëllim që shoqëria të mos bie pre e tyre dhe mbron të drejtën e të moralshmen, duke i argumentuar gjërat, një nga një, me fakte dhe jep sugjerime e këshilla.

Bytyçi, nuk është i panjohur, për lexuesin shqiptar, ngaqë veprimtaria e tij është e kahershme dhe e larmishme, e cila ka zënë vend në shumë media të shkruara dhe ato elektronike! Si gazetari lirë, autori i librit, kryesisht merret me probleme të përgjithshme shoqërore, politike e kombëtare! Bën këshillime pedagogjike, aktivitete kulturore, me redaktim gjuhësor të veprave të autorëve të ndryshëm, shkruan recensione, trajton probleme gjuhësore dhe merret me mësimin plotësues në gjuhën shqipe, në Bavari.

Kudo në brendësinë e librit “ Krahët e Shqipes – Përpjekje e pengesa”, lexojmë se si dhe ku ka gabime brenda shoqërisë gjithëshqiptare, që nga udhëheqësit politikë, shkencor, akademikë e deri te individët më të thjeshtë! Prandaj, ka kritika të ashpra dhe sugjerime për të gjitha shtresat dhe kategoritë e shoqërisë shqiptare e sidomos atyre nga Kosova, si shteti më i ri në botë dhe i brishtë.

Përpos librit në fjalë „Krahët e Shqipes – Përpjekje e pengesa“, autori është duke u marrë edhe me krijimtari artistike-letrare, që ta lëmë pa u informuar dhe të mbeten surprizë, që në të ardhmen ta shohim se çka na vije nga ky autor.

Kontrolloni gjithashtu

MSc. Adem Lushaj: Libri, "Resurset natyrore të Deçanit" do promovohet edhe në Amerikë

MSc. Adem Lushaj: Libri, “Resurset natyrore të Deçanit” do promovohet edhe në Amerikë

Një vit më parë, më 30 tetor 2019, me rastin e promovimit të monografisë ” ...