Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ndërmjetësimi për zgjidhjen e krizës politike në Shqipëri nuk është në axhendën e BE-së as të Amerikës. Shefja e Politikës së Jashtme të BE, Federica Mogherini do të qëndrojë në Tiranë më 8 dhe 9 maj por jo për t’u angazhuar në negociata me krerët e 2 kampeve politike, pavarësisht se ka planifikuar takime me ta. Ajo do jetë pjesë e samitit të Brdo-Brijunit, organizuar nga kryetari Meta. Ambasadori i BE e konfirmon qëndrimin e Brukselit se palët në vend duhet ta gjejnë vetë një zgjidhje. Ndërmjetësimi nuk është në axhendën tonë për momentin. I takon partive politike të maxhorancës dhe opozitës të gjejnë urat që ekzistojnë për të tejkaluar këtë ngërç, në mënyrë që të përfitojnë qytetarët shqiptarë, të cilët ata përfaqësojnë”. Vizita e Mogherinit vjen në një moment kur PD ka prezantuar platformën për qeverinë tranzitore, ndërsa po përgatitet për protestën e radhës e cila sipas tij do të jetë vendimtare, ashtu sikur i ka quajtur të gjitha protestat e deritanishme.
