Nderohet ish-deputeti Hysni Salihu në 27-vjetorin e shkuarjes në amshim

17/04/2026 Institucionet

Kryetari i Komunës së Vitisë, Sokol Haliti, së bashku me bashkëpunëtorë, kanë bërë sot homazhe në Smirë, në 27-vjetorin e shkuarjes në amshim të ish-deputetit të Kuvendit të Kosovës, Hysni Salihu.

Me këtë rast, kryetari Haliti vlerësoi lart kontributin e tij në periudhën e viteve ’90-a, duke theksuar rolin e rëndësishëm që pati si pjesë e legjislativit kosovar në kohë të vështira për vendin.

“Delegatët si z. Salihu do të mbesin në historinë e popullit shqiptar si nismëtarë dhe udhërrëfyes të proceseve për liri, çlirim dhe pavarësi nga pushtimi i atëhershëm serb. Është obligim institucional që t’i nderojmë, sepse ata kanë një vend të veçantë në kujtesën tonë kolektive”, u shpreh Haliti.

Hysni Salihu ishte pjesë e legjislativit kosovar në vitet ’90-a, në një periudhë kyçe kur u miratuan Deklarata Kushtetuese dhe Kushtetuta e Kaçanikut, dokumente që i hapën rrugë përpjekjeve për pavarësinë dhe lirinë e Kosovës.

Kontrolloni gjithashtu

U përkujtua dëshmori Kemajl Azizi

Në 27-vjetorin e rënies heroike të dëshmorit të kombit, Kemajl Azizi, Kryetari i Komunës së …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara