Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
20 vjet më parë, më 22 maj të vitit 1999 ne vendin te Gurorja, në Blinajë, në luftimet për të mos lejuar forcat serbe të depërtojnë në Grykën e Krojmirit ka rënë dëshmor, Halil Nezir Meta, luftëtar i lirisë i orëve të para. Halil Meta ka qenë pjesëtarë i Lëvizjes Revolucionare për Bashkimin e Trojeve, së bashku me Sylë Qeriqin Elez Durmishin, Shaban Mustafën, Ramiz Qeriqin, Halil Ollurin e luftëtarë të tjerë të kësaj pjese të Drenicës qysh në fillim të viteve 90-të. Gjatë luftës së UÇK-së nga Krojmiri kanë rënë dëshmorë edhe Enver Olluri, Isa Olluri dhe Qamil Olluri, ndërsa janë martirizuar Afërditë Qeriqi dhe Musa Bungu. Konsiderohet i zhdukur, Mehmet Olluri. Në Krojmir gjatë kohës së luftës në muajt tetor, nëntor e dhjetor të vitit 1998 ka qenë edhe selia e parë e Radios-Kosova e Lirë dhe Agjencisë Kosovapress, ndërsa në Grykën e këtij fshati, e cila mori emrin “Gryka e Shpëtimit” kanë mbijetuar luftën rreth 30.000 të zhvendosur nga shumë fshatra të Drenicës e më gjerë. Në Krojmir ka qenë vendqëndrimi më i madh i popullatës së zhvendosur gjatë kohës së luftës në Kosovë.
