Në Fortesë dhe Krushë të Madhe u përkujtuan dëshmorët e kombit Skënder Rexhepi nga Mrasori dhe Fitim Duraku

Kryetari i komunës së Rahovecit Smajl Latifi me bashkëpunëtor, ishin në vendin ku ndodhi përballja me pritën armike mbi fshatin Fortesë dhe në Krushën e Madhe të Fitimit, për të përkujtuar me pietet dëshmorët e kombit Skënder Rexhepi nga Mrasori dhe Fitim Duraku, natën e 21 janarit të vitit 1999, në 24 – vjetorin e rënies së tyre. Me këtë rast kryetari Latifi tha se, bashkëluftëtarët Skender Rexhepi, Fitim Duraku, Mustafë Bajraktari dhe Xhavit Elshani, derisa po shkonin në Zonën Operative të Dukagjinit, me makinën e mbushur përplot me armë e municion, u ballafaquan me pusinë e ngritur kundër tyre mbi fshatin Fortesë. Aty u përjetësua Skenderi, plagë të rënda morën Fitimi, Xhaviti dhe Mustafa. Fitimi u mbijetoi plagëve deri më 4 prill 1999, ndërsa Mustafa dhe Xhaviti do të vazhdojnë luftën e më pas të shijojnë edhe frytet e lirisë, porse nuk jetojnë më fizikisht në mesin tonë. Shëmbëlltyra e tyre na shërben ne bashkëluftëtarëve dhe do t’ju shërbejë shumë gjeneratave pas nesh. Lufta dhe rënia e tyre janë dëshmi, se luftëtarët e UÇK-së e deshën lirinë më shumë se gjithçka tjetër në këtë botë. Rënia në krye të detyrës, duke hyrë thellë në territorin e pushtuar nga armiku, flet për gatishmërinë dhe guximin e tyre dhe kjo duhet vlerësuar lartë. Prandaj, do të kujtohen dhe nderohen për këtë sakrificë madhore. Veprat e dëshmorëve nuk vdesin kurrë, ato jetojnë midis nesh, sepse veprimtarët dhe luftëtarët si Fitimi dhe Skenderi, u angazhuan, luftuan dhe ranë për idealin e çlirimit dhe bashkimit kombëtar. Lavdi e përjetshme dëshmorëve Skënder Rexhepi e Fitim Duraku dhe të gjithë atyre që u flijuan për lirinë, ka thënë kryetari Latifi.

Mund të jetë një imazh i 8 persona, njerëz në këmbë dhe ambiente të jashtme

Kontrolloni gjithashtu

Kryetari Aliu ka pritur në takim pjesëtarët e KFOR-it amerikan

Kryetari i komunës së Ferizajt Agim Aliu ka pritur në takim pjesëtarët e KFOR-it amerikan.”Mirëprita …