Në Klinë filloi rregullimi i shtretërve të lumenjve “Drini i Bardhë” dhe “Klina”

07/07/2017 Institucionet

Kryetari i Komunës së Klinës, Sokol Bashota i shoqëruar nga Ministri i Mjedisit dhe Planifikimit Hapësinor, Ferat Shala, kanë marrë pjesë në fillimin e punimeve në rregullimin e shtratit të lumit “Drini i Bardhë” dhe “Klina”. Është ky një projekt shumë i rëndësishëm në Klinë që do të ndikoi në zhvillimin e turizmit, evitimin e vërshimeve e mbi të gjitha do të jetë edhe një zonë rekreative-shëtitore për qytetarët e Komunës së Klinës. Sipas projektit të bashkëfinancuar nga Komuna e Klinës dhe MMPH-ja, planifikohet rregullimi i shtretërve të dy lumenjve që kalojnë nëpër qytetin e Klinës në gjatësi 1.6 km, për të cilin projekt janë paraparë të investohen 410 mijë euro. Pjesa e cila do të rregullohet fillon nga penda e fabrikës së ujit deri të “ Ura e Haxhisë” në fshatin Zajm të Klinës. Kryetari i Komunës së Klinës, Sokol Bashota, në ceremoninë e prerjes së shiritit, ka thënë se nga sot kjo pjesë do të merr një pamje shumë të bukur ku përveç kësaj do të evitohen vërshimet që kanë ndodhur në të kaluarën si dhe do të jetë një zonë rekreative për qytetarët e Klinës. Bashota falënderoi ministrin Shala për bashkëpunimin e treguar në realizimin e këtij projekti domethënës për Klinën. Ndërkaq, Ministri Shala, tha se po fillojmë punimet për rregullimin e shtretërve të lumenjve “Drini i Bardhë” dhe “Klina” të cilët janë projekte të financuara nga MMPH-ja në bashkëpunim me kryetarin e Komunës së Klinës, Sokol Bashota. “Po fillojmë zbatimin e këtyre projekteve ngase ka shumë nevojë për rregullimin e shtretërve të lumenjve, evitimin e vërshimeve dhe rehabilitimin e atyre pjesëve që është e nevojshme. Sipas Ministrit Shala, rehabilitimi i lumenjve të Klinës nënkupton premisa të jashtëzakonshme zhvillimore në sektorin e bujqësisë, turizmit dhe sektorë të tjerë. Ai falënderoi kryetarin e Komunës së Klinës, Sokol Bashota, për një bashkëpunim të shkëlqyeshëm në hartimin e planeve dhe koordinimin e punëve për projektet e bashkëfinancuara.

Kontrolloni gjithashtu

Jetën ia falën lirisë, që të jetojë i lirë shqiptari

Sot në Gllogjan e Maznik të komunës së Deçanit, në nder të 25-vjetorit të rënies …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara