leoni

Në Klinë u mbajt manifestim me rastin e 7 Marsit- Ditës së Mësuesit

07/03/2018 Institucionet

Me rastin e 7 Marsit- Ditës së Mësuesit, Drejtoria Komunale e Arsimit në Klinë, ka organizuar ceremoni, ku janë nderuar me mirënjohje dhe libra nxënës e arsimtarë të dalluar dhe ata punëtor arsimor që janë pensionuar në mes të dy festave. Fillimisht, zyrtarët e Komunës së Klinës, kanë nderuar me homazhe dhe kurora lulesh pranë bustit të tij, ish- punëtorin shumëvjeçar të arsimit dhe kryetarin e parë të Klinës pas luftës, Ismet Rracin. Në ceremoninë e mbajtur në Sallën e Kuvendit të Komunës së Klinës, në të cilën kanë marrë pjesë nxënës, arsimtarë dhe prindër, Kryetari i Komunës së Klinës, Zenun Elezaj, ka uruar gjithë punëtorët arsimorë për këtë festë dhe ka thënë se, kur përkujtojmë këtë ditë të veçantë për arsimin shqip, ngjallim nderimin dhe respektin për të gjithë ata pishtarë të dijes dhe të diturisë, të cilët që nga kohërat e hershme hapen shkollat shqipe dhe me punën e tyre sublime ruajtën frymën kombëtare të arsimit shqip në Kosovë. “Rruga historike e arsimit shqip, është rrugë e sakrificës së madhe të të gjithë pishtarëve të arsimit, shumë prej tyre edhe kanë rënë në këtë rrugëtim të shkronjave shqipe, duke e ngritur nga një altar në shërbim të popullit dhe të atdheut. Me punën e tyre sublime plejada të tërë mësuesish, ruajtën frymën kombëtare të arsimit shqip”, tha kryetari Elezaj. Kurse, Drejtori i Arsimit, Arben Limani, foli për historikun e shkollës shqipe, duke përmendur sakrificën e madhe që kanë bërë gjenerata të tëra për mbijetesën e arsimit shqip.

Kontrolloni gjithashtu

Në komunën e Rahovecit mbahet mbledhja e KKSB, e treta për këtë vit

Kryesuesi i mbledhjes, Kryetari i Komunës së Rahovecit, Smajl Latifi, theksoi se situata e përgjithshme …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara