Brickos

Në komunën e Vitisë u mbajt mbledhja e parë e KPF-së

19/01/2024 Institucionet

Komiteti për Politikë dhe Financa (KPF) në komunën e Vitisë, ka mbajtur sot mbledhjen e parë për këtë vit. Me këtë rast kryesuesi i Kuvendit Komunal të Vitisë, Bekim Azizi i njoftoj të pranishmit rreth vlerësimit të ligjshmërisë së akteve të nxjerrë nga mbledhja e fundit të Kuvendit Komunal, duke bërë me dije se për pjesën më të madhe të vendimeve është bërë vlerësimi i ligjshmërisë. Ndërkaq në fillim të këtij takimi para aprovimit të rendit të ditës anëtarë e KPF-së fillimisht ngritën çështje të ndryshme në interes të qytetarëve të komunës së Vitisë për të cilën kryesisht u interesua zv. kryetari i komunës, Hasan Aliu. Me pas u shqyrtuan dhe u votuan me shumicë votash këto pika: Propozim vendimi për caktimin e orarit të mbajtjes së takimeve te kuvendit te komunës së Vitisë për vitin 2024. Propozim vendimi për caktimin e komisionit vlerësues për shqyrtimin e dokumentacioneve për vendosjen e bizneseve në Parkun Industrial në Budrik të Epërme. Propozim vendimi për aprovimin e Planit te Punës te Këshillit Komunal për Siguri në Bashkësi (KKSB) për vitin 2024. Propozim vendimi për këmbimin e pronës se paluajtshme komunale me pronat e paluajtshme në pronësi të pronarëve Kadri (Bislim) Emerilahu dhe Agron (Ahmet) Ahmeti. Propozim vendimi për shfuqizimin e vendimit për miratimin e Planit të Integritetit 2023-2026 të Komunës se Vitisë, vendimi me nr. 01-110/05-163, i datës 01-03-2023. Gjithashtu u dhanë edhe dy informata si: Informatë mbi punën e kuvendit komunal dhe komiteteve funksionale për periudhën Janar – Dhjetor 2023. Informatë mbi punën e komitetit për komunitete te komunës së Vitisë për periudhën Janar – Dhjetor 2023. Informate për zbatimin e planit të KKSB-së për vitin 2023. Ndërkaq jashtë rendit të ditës u votua edhe propozim vendimi për ndryshimin e vendimit për Planin Zhvillimor Komunal 2023-2031.

Kontrolloni gjithashtu

1 maj 1990 – Kuvendi i Pajtimit te “Verrat e Llukës”

34 vite më parë, me 1 maj 1990 u mbajt Kuvendi Gjithëkombëtar i Pajtimit të …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara