Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në takimin kryeministrit Albin Kurti, me pesë emisarët ndërkombëtarë në dialogun Kosovë-Serbi, i cili ka zgjatur për më shumë se dy orë, është diskutuar për propozimin evropian, të cilën Kurti e vlerëson si bazë të mirë për diskutim të mëtejshëm për të ecur përpara drejt normalizimit të plotë të marrëdhënieve ndërmjet Kosovës dhe Serbisë, me njohje reciproke në qendër. Pas takimit para gazetarëve ka folur vetëm përfaqësuesi special i Bashkimit Evropian për dialogun Kosovë-Serbi, Miroslav Lajçak, ndërsa kryeministri Kurti nuk ka dhënë ndonjë deklaratë për media. Së fundmi për takimin e sotëm me një komunikatë ka dalë Zyra e Kryeministrit, në të cilën thuhet se kjo është hera e dytë që kryeministri Kurti priti në takim këshilltarët për politikë të jashtme dhe siguri, Plotner dhe Bonne, pas takimit të parë më 9 shtator 2022, e kësaj radhe atyre iu bashkëngjitën edhe këshilltari diplomatik i Kryeministres së Italisë dhe emisari amerikan, Gabriel Escobar. Qeveria nuk jep informacione se çka është biseduar lidhur me Asociacionin.
