leoni

Nën Këshillin për Mbrojtjen e të Drejtave dhe Lirive të Njeriut në Malishevë u hap ekspozitë me dëshmi të dhunës dhe gjenocidit serb

07/03/2024 Institucionet

Në kuadër të aktiviteteve për shënimin e 5.6 dhe 7 Marsit, përkatësisht “Epopesë së UÇK-së”, sot në ambientet e muzeut të qytetit “Jahir Mazreku” në Malishevë, është hapur ekspozita e Januz Mazrekut, ish aktivist i Nën Këshillit për Mbrojtjen e të Drejtave dhe Lirive të Njeriut në Malishevë, me dokumente që dëshmojnë dhunën dhe gjenocidin serb. Në hapje të ekspozitës, ishin të pranishëm personalitete të ndryshme, si Fatmir Limaj, kryetar i Nisma Social Demokrate, kryetari i Komunës së Malishevës, Ekrem Kastrati, nënkryetari Vesel Krasniqi, drejtor komunal, pastaj ish aktivist të drejtave të njeriut, si Halit Berani, Merita Ibrahimi, Nuhi Bytyçi, Liman Rushiti dhe shumë të tjerë. Në fjalën e tij në hapjen e kësaj ekspozite, i pari i Komunës së Malishevës, Ekrem Kastrati, tha se “kjo është dëshmia më e mirë e dhunës dhe gjenocidit të ushtruar mbi popullin shqiptar, përfshi edhe Malishevën dhe për ne sot, është një rikujtesë e asaj dhune të përjetuar”, ndërsa duke folur për rolin e NKMDLNJ-së, tha se ka qenë një vend ku pa frikë jemi rrëfyer për dhunën mbi ne dhe kjo është pjesë e historisë sonë të dhimbshme, por edhe të lavdishme”. Në këtë ekspozitë, kanë folur edhe Halit Berani, Liman Rushiti, Merita Ibrahimi, Nuhi Bytyçi dhe drejtoresha e DAE në Malishevë Arbëreshë Krasniqi, të cilët e vlerësuar lartë rëndësinë e kësaj ekspozite, e cila më së miri dëshmon dhunën dhe gjenocidin e ushtruar nga pushtuesi serb në Kosovë. Në fund, Januz Mazreku, i cili e ka hapur këtë ekspozitë me dëshmi, i ka falënderuar të gjithë për pjesëmarrje në këtë ekspozitë, por mbi të gjitha i ka falënderuar ish aktivistët e të drejtave të njeriut, të cilët në kohët më të vështira kanë mbledhur dëshmi dhe dokumente për të dëshmuar këtë represion, si dhe për të kërkuar drejtësi, për dhunën dhe gjenocidin mbi popullin e Kosovës.

Kontrolloni gjithashtu

1 maj 1990 – Kuvendi i Pajtimit te “Verrat e Llukës”

34 vite më parë, me 1 maj 1990 u mbajt Kuvendi Gjithëkombëtar i Pajtimit të …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara