Nënkryetari Berisha premtoi përkrahje për aktivitetet rinore

23/01/2018 Institucionet

Nënkryetari i Komunës së Malishevës, Hajdin Berisha dhe drejtoresha e Drejtorisë për Kulturë, Rini dhe Sport, Blerta Krasniqi, i kanë pritur në një takim pune, kryetarin e Qendrës Rinore në Malishevë, Amrush Helshani dhe aktivistë të tjerë, të cilëve ju kanë premtuar përkrahje për vazhdimin e aktiviteteve rinore, edhe gjatë vitit 2018. Fillimisht, kryetari i Qendrës Rinore, Amrush Helshani, e ka njoftuar nënkryetarin Berisha për aktivitetet e Qendrës Rinore, rezultatet e arritura dhe sfidat me të cilat përballet kjo organizatë rinore, si dhe punën vullnetare që bëhet nga aktivistët e saj. Pas kësaj, nënkryetari i Komunës së Malishevës, Hajdin Berisha, ka thënë se “Komuna e Malishevës, do të vazhdoj të përkrahë aktivitetet rinore, edhe gjatë këtij viti, sikur edhe viteve tjera”. “Rinia është pasuria më e madhe që e ka Komuna e Malishevës, prandaj edhe përkrahja për zhvillimin e aktiviteteve rinore, nuk do të mungoj. Rinia, kultura dhe sporti, janë prioritet i yni dhe përmes drejtorisë komunale, të gjitha aktivitetet do të përkrahen, pasi kjo është rruga më e mirë për zhvillimin e një shoqërie të shëndoshë dhe aktive”, tha Berisha, i cili i ka falënderuar të gjithë vullnetarët dhe aktivistët e rinisë, për punën që janë duke bërë.

Kontrolloni gjithashtu

Kryetari Latifi në 25-vjetorin e rënies, ka nderuar kujtimin për luftëtarin e UÇK- së dhe dëshmorin e kombit, Sadri Fazli Krasniqi

Kryetari i komunës së Rahovecit Smajl Latifi, bashku me familjarë, bashkëpunëtorë e miq, në 25-vjetorin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara