Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Me rastin e 21-vjetorit të rënies së heroit, Luan Haradinaj, nënkryetari i Kuvendit të Kosovës, Xhavit Haliti, ka kujtuar në këtë përvjetor Luanin, për të cilin ka thënë se ishte vërtetë luan i UÇK-së. Luan Haradinaj meriton të nderohet dhe të respektohet përjetësisht nga kombi shqiptar. “Sot, bëhen 21 vjet nga rënia e njërit nga pjesëtarët e parë të Ushtrisë Çlirimtare të Kosovës, Luan Haradinaj. Ai ra në krye të detyrës për të ndihmuar grupin për të hyrë në Kosovë. Por, fitoi pavdekësinë. Luanin e kisha më shumë se sa vëlla. Ai ishte vërtetë luan i UÇK-së. Ishte ndër të rrallët i përgatitur për të vepruar në Kosovë dhe në Shqipëri. Për të gjitha detyrat e ngarkuara, Luani asnjëherë nuk tha: “jo, nuk mundëm”. Ishte i përpiktë dhe jo rrahagjoksë. Luani meriton të nderohet dhe të respektohet përjetësisht nga kombi shqiptar”, ka shkruar Haliti.
