Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetari i Komunës së Malishevës, Vesel Krasniqi, në kuadër të vizitës së tij në Ngucat, ku ka parë projektet që janë duke u realizuar në këtë fshat e ka vizituar edhe bletarin e 450 koshereve me bletë, Skënder Shala, familja e të cilit merren me bujqësi dhe bletari. Gjatë kësaj vizite, nënkryetari Krasniqi ishte i shoqëruar edhe nga drejtori i urbanizmit Avdi Morina dhe anëtarin e Kuvendit të Komunës nga ky fshat, Amrush Helshani. “Bletari Skënder Shala, është njëri nga shembujt më të mirë, i cili merret me Bletari, por edhe me bujqësi, ku e tërë familja është e angazhuar, prandaj edhe puna i ka bereqet”, ka thënë nënkryetari Krasniqi. “Ne si komunë, kemi planifikuar që bletaret të i përkrahim dhe këtë vit, do të subvencionohen me nga 5 euro për koshere të gjithë bletarët e komunës sonë”, ka deklaruar nënkryetari Krasniqi, i cili ju ka bërë thirrje bujqëve dhe fermerëve të Malishevës, që të merren me bujqësi, pasi bujqësia është baza e zhvillimit ekonomik dhe në i kemi të gjitha parakushtet për zhvillim të bujqësisë dhe do të përkrahën nga komuna, përfshi edhe bletarët.
