leoni

Nisin aktivitetet për shënimin e Ditës së Pavarësisë- u mbajt ligjërata me temë “Rinia dhe Shteti”

16/02/2022 Institucionet

Në kuadër të aktiviteteve për shënimin e Festës së Pavarësisë së Kosovës, organizuar nga Drejtoria për Kulturë, Rini e Sport e komunës së Vitisë, është mbajtur një ligjëratë me nxënësit e shkollave të mesme, me temë “Rinia dhe Shteti”, ku është bërë një rezyme për zhvillimet historike të popullit shqiptar, posaçërisht rinisë në etapa të ndryshme në aspiratën për mëvetësinë e Kosovës. Profesori i historisë Besim Haliti, në ligjëratën e tij, ka përshkruar rrugëtimin e 100 vjeçar të lëvizjeve popullore, duke u nisur nga viti 1912, pastaj mbretërinë serbo-kroate-sllovene dhe rolin e rinisë në mbajtjen gjallë të familjes dhe ekonomisë së saj, si dhe ruajtjen e strukturave etnike të popullsisë shqiptare që ishte në rrezik. Ai u fokusua edhe tek Lidhja e dytë e Prizrenit, Konferenca e Bujanit, themelimin e Lidhjes Demokratike të Kosovës në vitin 1989, demonstratat gjithë popullore të vitit 1981, demonstratat studentore të vitit 1997 e gjithashtu edhe për mobilizimin ushtarak për luftë me daljen e Ushtrisë Çlirimtare të Kosovës. Gjitha lëvizjet për arritjen e synimit deri në shpalljen e Pavarësisë së Kosovës, më 17 shkurt të vitit 2008. Në këtë ligjëratë, u lexuan edhe ese të nxënësve të shkollave të mesme, që për temë kishin Pavarësinë e shtetit të Kosovës. Aktivitetet për shënimin e Ditës së Pavarësisë, do të vazhdojnë me aktivitete të ndryshme gjatë ditës së sotme, për të vazhduar nesër me seancën solemne, homazhet tek varrezat e dëshmorëve etj.

Kontrolloni gjithashtu

U mbajt akademi përkujtimore në nderim të heroit Abaz Thaçi dhe 10 dëshmorëve tjerë nga Drenica

Në Qendrën e Kulturës “Hasan Prishtina” në qytetin e Skenderajt është mbajtur akademi përkujtimore në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara