Vitia gati për festimin e 17 shkurtit – Pavarësisë së Republikës së Kosovës

16/02/2022 Institucionet

Nën kryesimin e Kryetarit të Komunës së Vitisë, Sokol Haliti, është mbajtur mbledhja e katërt e rregullt e Këshillit të Drejtorëve. Në këtë mbledhje është diskutuar rreth përgatitjeve për aktivitetet e parapara për shënimin e 14 vjetorit të Pavarësisë së Republikës së Kosovës, si dhe tema të ndryshme me rëndësi për qytetarët vitias. Kryetari Haliti, duke folur para drejtorëve të drejtorive komunale, kërkoj nga ata që të angazhohen bashkërisht për festimin e dinjitetshëm të 17 shkurtit – Pavarësisë së Republikës së Kosovës, si dhe kërkoi që të punohet deri në maksimum për përmirësimin e jetës së qytetarëve vitias. Po ashtu, kryetari Haliti është informuar në hollësi nga drejtori për Kulturë, Rini dhe Sport, Valmir Sahiti, rreth aktiviteteve dhe përgatitjeve për festimin e kësaj date të rëndësishme për shtetin e Kosovës, i cili ka thënë se janë bërë të gjitha përgatitjet e nevojshme për shënimin e kësaj dite. Ai, po ashtu ka treguar se janë paraparë shumë aktivitete për nderë të kësaj dite, ku disa prej tyre kanë filluar që sot. Në këtë takim gjithashtu u diskutua edhe rreth dislokimit të zyrave të drejtorive komunale që janë të vendosura në shtëpinë e kulturës, që të barten në objektin e administratës. E gjithë kjo, me qëllim që qytetarët vitias të kenë mundësi ti kryejnë sa më lehtë shërbimet.

Kontrolloni gjithashtu

U mbajt akademi përkujtimore në nderim të heroit Abaz Thaçi dhe 10 dëshmorëve tjerë nga Drenica

Në Qendrën e Kulturës “Hasan Prishtina” në qytetin e Skenderajt është mbajtur akademi përkujtimore në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara