Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Edhe subjekti Nisma për Kosovën ka kritikuar marrëveshjen e fundit për njohjen e dokumenteve ilegale serbe, duke e cilësuar si gjunjëzim të Kosovës përballë Serbisë. “Njoftimet e fundit se delegacioni i Qeverisë së Kosovës në takimin e fundit me delegacionin e Qeverisë së Serbisë në Bruksel ka arritur një marrëveshje, të cilën po e quajnë kinse veç për një fazë kalimtare, marrëveshje kjo për validitetin e dokumenteve ilegale, të lëshuara nga strukturat paralele të Serbisë në Kosovë, është një lëshim tepër i rëndë i Qeverisë së Kosovës, është gjunjëzimi i radhës përballë Serbisë, është tallja e radhës e kësaj Qeverie me qytetarët e vendit tonë, është poshtërim i shtetit”, thuhet në komunikatën e lëshuar nga Nisma. Partia e drejtuar nga Fatmir Limaj ka kërkuar që Qeveria ta shfuqizojë urgjentisht këtë marrëveshje, që legjitimon dokumentet ilegale të strukturave paralele të regjimit serb në Kosovë. Përveç kësaj, Nisma kërkon ga Qeveria e Kosovës që t’i ndërpres bisedimet në emër të Kosovës, pasi ajo e ka humbur legjitimitetin për të marrë vendime në emër të shtetit e të qytetarëve të shtetit tonë.
