Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Organizatat e dala nga lufta e Ushtrisë Çlirimtare të Kosovës kanë bërë sot homazhe në Kompleksin Memorial “Adem Jashari” në Prekaz, në nderim të festave të nëntorit dhe të gjithë të rënëve për lirinë e vendit.
Kryetari i OVL-UÇK-së, Hysni Gucati, gjatë nderimeve tha se festat e këtij muaji nuk janë të plota pa ish-krerët e UÇK-së – Hashim Thaçin, Kadri Veselin, Jakup Krasniqin dhe Rexhep Selimin – të cilët po mbahen në Hagë.
Ai shprehu bindjen se drejtësia do të vihet në vend dhe se vitin e ardhshëm festat do t’i presin bashkë me ta në Kosovë.
“Ju urojmë katër festat e nëntorit: ngritjen e flamurit në Krujë nga Skënderbeu më 1444, shpalljen e Pavarësisë së Shqipërisë më 1912, ditëlindjen e komandantit legjendar më 1955 dhe daljen publike të UÇK-së në vitin 1997. Këto festa janë të mangëta sepse krerët tanë po mbahen padrejtësisht në Hagë. Shpresojmë dhe besojmë se vitin tjetër do t’i festojmë së bashku”, deklaroi Gucati nga Prekazi.
