Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Vendimi i Policisë së Kosovës për të gjobitur me 60 euro dy qytetarë, djem të heronjve Nijazi Azemi dhe Rexhep Bislimi, për vendosjen e simbolit të UÇK-së në targa veturash, ka nxitur reagime të shumta në opinionin publik dhe në organizatat e dala nga lufta. Ngjarja është cilësuar e papranueshme nga përfaqësues të Organizata e Veteranëve të Luftës së UÇK-së, të cilët kanë kërkuar edhe masa ndaj zyrtarëve policorë që kanë shqiptuar gjobat. Kryetari i OVL-UÇK-së, Hysni Gucati, ka reaguar ashpër duke e konsideruar simbolin e UÇK-së si pjesë të identitetit dhe historisë së Kosovës, ndërsa ka kritikuar ndëshkimin e qytetarëve për përdorimin e tij. Edhe përfaqësuesi i degës së OVL-UÇK-së në Viti, Idriz Quni, ka kërkuar përgjegjësi institucionale dhe shkarkimin e zyrtarit policor, duke theksuar se simbolet e UÇK-së përfaqësojnë sakrificën për lirinë e vendit dhe nuk duhet të trajtohen si shkelje.
