Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Misioni i OSBE-së në Kosovë ka mirëpritur deklaratën e përbashkët të liderëve fetarë në Kosovë, të cilët kanë bërë thirrje për një fushatë zgjedhore të qetë, të përgjegjshme dhe pa gjuhë të urrejtjes. Në reagimin e saj, OSBE ka vlerësuar bashkimin e zërit të përfaqësuesve të komuniteteve fetare, duke e cilësuar si një mesazh të rëndësishëm për forcimin e klimës publike në prag të zgjedhjeve. Deklarata e përbashkët është nënshkruar nga përfaqësues të Bashkësia Islame e Kosovës, Kisha Katolike në Kosovë, Kisha Ortodokse Serbe, Kisha Protestante Ungjillore e Kosovës dhe Komuniteti Hebre i Kosovës. Sipas OSBE-së, fakti që udhëheqësit e komuniteteve të ndryshme fetare kanë folur me një zë të përbashkët përbën një kontribut domethënës në forcimin e dialogut dhe respektit në shoqëri, veçanërisht në një periudhë të ndjeshme zgjedhore. Misioni ka theksuar gjithashtu rëndësinë e respektimit të angazhimeve ndërkombëtare për parandalimin e dhunës ndaj grave në politikë dhe jetën publike, duke u bërë thirrje partive politike që të zhvillojnë një fushatë të drejtë dhe pa diskriminim.
