Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zëvendës sekretari i Shtetit i SHBA për Ballkanin Perëndimor Matthew Palmer tha se SHBA duan të shohin një normalizim të plotë të marrëdhënieve Beograd-Prishtinë, i cili sipas tij do të nënkuptojë njohje të ndërsjellë. Sipas tij, është e nevojshme që Beogradi dhe Prishtina “të ulen në një tryezë, të arrijnë një marrëveshje dhe së bashku të tërheqin rrugën drejt së ardhmes evropiane”. Palmer tha se arsyeja e negociatave është se si Serbia ashtu edhe Kosova po përpiqen drejt Evropës dhe se është e nevojshme të shihet se cilat kompromise janë të nevojshëm për të arritur progres. Ai gjithashtu tha se ka një marrëdhënie shumë të mirë me të dërguarin e Shtëpisë së Bardhë Richard Grenell dhe se kjo nuk është hera e parë që SHBA kanë caktuar dy të dërguar specialë për të njëjtën çështje.
