MIT
kek
Airport Adem Jashari
mbpzhr 2018
Fillimi / Lajmet / Pas një sëmundje të rëndë, në moshën 47-vjeçare ka ndërruar jetë, luftëtarja e lirisë, Fetnete Ramosaj
Fetnete Ramosaj

Pas një sëmundje të rëndë, në moshën 47-vjeçare ka ndërruar jetë, luftëtarja e lirisë, Fetnete Ramosaj

Pas një sëmundje të rëndë, në moshën 47-vjeçare  ka ndërruar jetë, luftëtarja e lirisë, intelektualja, studiuesja e veprimtarja,  Fetnete Ramosaj  

Fitnete Ramosaj, u lind në vitin 1972, në Deçan. Shkollën fillore dhe atë të mesme i kreu në vendlindje. Shkollën e Lartë Pedagogjike në Gjakovë, Fakultetin dhe studimet pasuniversitare, në Prishtinë. Ka magjistruar në shkencat e sigurisë.

Që nga viti 1989 ishte pjesëtare aktive e lëvizjes ilegale dhe asaj gjithëpopullore në Kosovë. Ka qenë pjesëmarrëse aktive në luftën çlirimtare, si pjesëtare e Ushtrisë Çlirimtare të Kosovës. Gjatë luftës në Kosovë (1998-1999), veç tjerash, ka kryer detyrën e Zëdhënëses së UÇK-së për informim Zonën Operative të Dukagjinit. Njëkohësisht ka raportuar edhe për Radion Kosova e Lirë dhe  Agjencinë KosovaPress”, Radio Televizionin Shqiptar. Ka bashkëpunuar me agjencitë ndërkombëtare të lajmeve “Zëri i Amerikës”, “Deutsche Welle”, “BBC” dhe me shtypin shqiptar të kohës në Kosovë, Shqipëri e diasporë.

Ka qenë bashkëthemeluese dhe redaktore e revistës “Zgjimi”, Deçan (1991-1997); bashkëpunëtore dhe anëtare e redaksisë së gazetës “Zëri i Kosovës”, Zvicër/Prishtinë (1995-2001); bashkëthemeluese dhe redaktore e revistës së parë ushtarake në Kosovë “Ardhmëria” – Organ i Zonës së Tretë të Mbrojtjes (1999-2001); redaktore në gazetën javore “Fokus”, Prishtinë (2003-2007), hartuese e biografive të dëshmorëve të kombit nga  Zona e Dukagjinit për monografinë, “Feniksët e lirisë”

Ishte autore e shumë jetëshkrimeve për dëshmorët në monografinë, “Feniksët e lirisë, dhe bashkëpunëtore e Redaksisë, “Dëshmorët e UÇK-së”.

Është autore e disa fejtoneve e dhjetëra shkrimeve publicistike, të botuar në shtypin legal e ilegal të kohës që nga viti 1991 e këndej; recensuese, lektore dhe redaktore e disa librave publicistikë, historikë e të çështjeve të sigurisë; pjesëmarrëse me kumtesa shkencore në disa simpoziume e konferenca shkencore ndërkombëtare, etj.

Është autore e librave:

DEÇANI (Monografi), në bashkautorësi me Faton Mehmetaj, botoi “Zgjimi”, Deçan, nëntor 1997, 528 f.

“Krimet serbe në Kosovë – PA APOLOGJI – Me fakte kundër shpifjeve” / “Serbian crimes in Kosova – WITHOUT APOLOGY – Facts Against Defamations” (Vëllimi i Parë, shqip/anglisht), botoi “Fokusi”, Prishtinë, 2005. Ribotuar në të njëjtin vit në 10 mijë kopje, f. 350.

“Krimet serbe në Kosovë – PA APOLOGJI – Me fakte kundër shpifjeve”, (Vëllimi i Dytë), botoi “Anatema”, Prishtinë, 2008, 442 f.

“Serbian crimes in Kosova – Without Apology – Facts Against Defamations”, (The Second Volume), botoi “Anatema”, Prishtinë, 2008, 446 f.

– “Organizatat ekstremiste serbe në Kosovë”, botoi ISGJS, Prishtinë, 2013,  183 f.

“Serbian extremist organizations in Kosova”, botoi ISGJS, Prishtinë, 2015.

“UÇK-ja në Zonën Operative të Dukagjinit (Dokumente të luftës 1998-1999)” Prishtinë prill 2019.

Kontrolloni gjithashtu

Socialistët që kanë qeverisur deri më tani në Spanjë, kanë fituar më së shumti vota në zgjedhjet e së dielës

Socialistët që kanë qeverisur deri më tani në Spanjë, kanë fituar më së shumti vota në zgjedhjet e së dielës

Socialistët që kanë qeverisur deri më tani në Spanjë, kanë fituar më së shumti vota ...