Partia Demokratike e Kosovës, ka zgjedhur sot dy kryetarë të rinj të degëve që do të udhëheqin strukturat partiake për platformën, Dekada e Re. Në Kuvendin Zgjedhor të degës së PDK-së në Shtime, pas një gare fer e demokratike, në mes të Mensur Nezirit e Rrahman Jakupit, i fundit është zgjedhur kryetar dege, ndërsa delegatët kanë zgjedhur edhe 51 anëtarët e Këshillit Drejtues të Degës. Të pranishmit i përshëndeti anëtari i Kryesisë qendrore, Fehmi Mujota. Po ashtu, delegatët e degës së PDK-së në Artanë kanë votuar me shumicë votash Selatin Nuhiun për kryetar të ri të degës në këtë komunë si dhe 31 anëtarë të Këshillit Drejtues të degës. Nënkryetari i PDK-së, Bajrush Xhemajli, duke folur para delegatëve të PDK-së në Novobërdë, tha se këto zgjedhje po e freskojnë dhe forcojnë PDK-në në të gjitha nivelet, duke e rikonfmuar atë si partia më e madhe në vend.
Kontrolloni gjithashtu
AAK-ja ka festuar 24-vjetorin e themelimit në një takim me strukturat e të gjitha niveleve të organizimit dhe me simpatizantë
Aleanca për Ardhmërinë e Kosovës ka festuar 24-vjetorin e themelimit, me një takim të organizuar …