Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kandidati për kryeministër nga Partia Demokratike e Kosovës, Bedri Hamza, ka mbajtur një takim mobilizues me asamblistë dhe kandidatë për kuvendet komunale nga e gjithë Kosova, ku ka vlerësuar angazhimin e strukturave të partisë në terren. Hamza ka theksuar se vendi po përballet me sfida të theksuara ekonomike dhe sociale, duke përmendur rritjen e çmimeve, nivelin e pagave dhe mungesën e perspektivës për të rinjtë, të cilët sipas tij po largohen nga vendi. Ai u ka bërë thirrje mbështetësve të PDK-së për mobilizim të plotë deri në zgjedhjet e 7 qershorit, duke theksuar se ndryshimi, sipas tij, nis nga puna në terren dhe komunikimi i drejtpërdrejtë me qytetarët. “Qytetarët kërkojnë stabilitet, seriozitet dhe qeverisje funksionale,” ka deklaruar Hamza, duke shtuar se zgjedhjet e ardhshme janë moment vendimtar për drejtimin e vendit. Në takim ka folur edhe ish-kryetari i PDK-së dhe shefi i shtabit zgjedhor, Memli Krasniqi, i cili ka theksuar se rezultati elektoral ndërtohet nga puna në çdo komunë dhe nga besimi i qytetarëve. Sipas tij, mobilizimi lokal mbetet kyç për suksesin e partisë në zgjedhjet e ardhshme, duke e cilësuar terrenin si faktorin kryesor të fushatës.
