Përfaqësuesja e Shqipërisë në OKB, Albana Dautllari, shpreh keqardhje pse Këshilli i Sigurimit nuk e ka dënuar terrorin e Hamasit

Këshilli i Sigurimit të OKB është takuar për të vendosur me votë armëpushimin e menjëhershëm të luftimeve në Gaza. Kjo kërkesë u soll në tryezë nga sekretari i përgjithshëm i OKB, Antonio Guterres, që aktivizoi artikullin 99-të, një mjet i fuqishëm diplomatik i papërdorur në dekada. Sipas një letre të dërguar anëtarëve, ai u shpreh se në Gaza po rrezikohet paqja dhe siguria ndërkombëtare, ndërsa po shkaktohet një katastrofë humanitare. Në fjalimin përpara anëtarëve të këshillit të sigurimit, Guterres tha se brutaliteti i Hamasit nuk mund të justifikojë kurrë “ndëshkimin kolektiv” të palestinezëve. Mocioni u mbështet nga 13 vende në Këshillin e Sigurimit, por SHBA vuri veton duke u shprehur kundër një lëvizjeje të tillë. Zëvendës ambasadori amerikan Robert Wud tha se armëpushimi do të mbillte vetëm farat për luftën e ardhshme. Mbretëria e Bashkuar abstenoi në votim. Përfaqësuesja e Shqipërisë Albana Dautllari, ka shprehur keqardhje pse Këshilli i Sigurimit nuk e ka dënuar terrorin e Hamasit.

Kontrolloni gjithashtu

Milovan Drecun

Milovan Dreçun: Aktakuza kundër Thaçit dhe liderëve të tjerë të UÇK-së, rezultat i punës sonë

Milovan Dreçun, Kryetar i Komitetit Parlamentar për Kosovën në Kuvendin e Serbisë, ka deklaruar se …