Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Drejtori i Zyrës serbe për Kosovën, në Beograd, Petar Petkoviq, ka thënë se edhe pse bisedimet në Bruksel dështuan, “Beogradi së paku mund të jetë pak i kënaqur, sepse në raportet pas takimit shkruhej se Beogradi nuk ka faj, ka treguar konstruktivitet dhe se Albin Kurti ishte ai për të cilin dialogu dështoi”. “Dje në Bruksel u përpoqëm të ruanim paqen dhe jetën e njerëzve, patëm një ditë të vështirë. Nuk ka negociata teknike në Bruksel, por negociata në kushte të pamundura. Vuçiq po flet me Kurtin, i cili refuzon gjithçka”, ka thënë Petkoviq për televizionin publik serb RTS për dialogun e djeshëm mes Kosovës dhe Serbisë në Bruksel. Ai ka theksuar se shefi i diplomacisë evropiane, Josep Borrell, ka thënë qartë se Kurti nuk është i gatshëm të formojë Asociacionin. Beogradi është një palë e cila kërkon kompromis, por BE-ja gjithmonë pas dialogut ka thënë se të dyja palët duhet të shkojnë drejt një kompromisi, por tani BE-ja për herë të parë ka thënë se Kurti është ai që ka bërë që dialogu të dështojë”, ka pretenduar Petkoviq.
