Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në protestën e dhunshme të opozitës, që u mbajt ditë më parë, në Tiranë 84 protestues janë proceduar për aktet e dhunës ndaj punonjësve të Policisë dhe institucioneve shtetërore. 50 ndër ta, të arrestuar. Në datë 11 Maj 2019, rreth orës 18:30 subjektet politike Partia Demokratike dhe Lëvizja Socialiste për Integrim kanë protestuar dhunshëm, në Bulevardin” Dëshmorët e Kombit” para Kryeministrisë dhe përballë institucionit të Parlamentit të Shqipërisë. Më pas tek Drejtoria Vendore e Policisë Tiranë, pa marrë leje në organet kompetente. Pjesëmarrësit në protesta kanë goditur me mjete të forta, fishekzjarre, tymuese dhe sidomos tek Kryeministria e Parlamenti me bomba molotov i kanë goditur edhe punonjësit e Policisë. Nga goditjet, kundërshtimet dhe përdorimi i lëndëve piroteknike, sendeve të forta dhe bombave molotov kanë mbetur të plagosur 16 punonjës të Policisë, të cilët morën ndihmën në spitalin e Traumës.
