Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish drejtor i Njësisë Afariste Uji dhe Centrali Elektrik në Ibër Lepenc, Arbëror Prekazi ka porositur që Ujmani nuk duhet të jetë temë e negociatave në mes të Kosovës dhe Serbisë. Ai ka theksuar se liqeni i Ujmanit është një aset me rëndësi pasi është i Kosovës dhe nuk duhet të diskutohet në dialogun Kosovë-Serbi në Bruksel. Ibër-Lepenci është pronë e Kosovës dhe është akumuluesi më i madh në Kosovë me një sasi prej 375 milion metra kub ujë. sipërfaqja e gjithmbarshme e liqenit të Ujmanit është 11.9 km katrorë, ku 9.2 km katrorë i takojnë Kosovës dhe 2.7 km katrorë Serbisë. Rëndësia është shumë e madhe për Kosovën duke pas parasysh që uji nga akumulimi Ujman, nëpërmjet kanalit Pridvoricë- Obiliq, furnizon pjesën qendrore të Kosovës me ujë të papërpunuar. Përveç tjerash, liqeni i Ujmanit furnizon termocentralin më të madh në Kosovë “Kosova B”, e cila furnizon tërë Kosovën me energji elektrike, ka përkujtuar ish drejtor i Njësisë Afariste Uji dhe Centrali Elektrik në Ibër Lepenc, Arbëror Prekazi.
