Në sallën e Kuvendit të Komunës së Ferizajt, drejtori i Drejtorisë së Zhvillimit Ekonomik dhe Turizmit, Balton Dërguti bashkë me organizatën “Swiss Contact”, kanë bërë prezantimin e fazës fillestare të projektit për rregullimin e zonës turistike në Neredime dhe Jezerc. “Komuna e Ferizajt ka paraparë të intervenoj në hapësirat publike të parkut në Neredime dhe Jezerc saktësisht tek pika e “Bashkimit të dy Lumenjve”, për qëllime të adoptimit në park rekreativ”, ka thënë Dërguti. Prezantimin e këtij projekti e ka bërë Lorita Rama dhe Albrim Tahiri nga kjo organizatë. Qytetarët e pranishëm në këtë konsultim publik, janë shprehur të kënaqur me realizimin e këtij projekti. U bë e ditur se ky projekt pritet të filloj së realizuari gjatë këtij viti.