Prindërit pajisin me dollapë SHFMU “ Fehmi Agani” në Turjakë të Malishevës

25/10/2019 Institucionet

Me vetiniciativën e komunitetit prindëror në Turjakë të komunës së Malishevës, filloi dhe u realizua projekti për vendosjen e dollapëve për të gjithë nxënësit e nivelit fillor, përkatësisht klasave I deri të V-ta. Pajisja e klasave me dollapë personal për nxënësit e grupmoshave 6-11 vjeçar ishte shumë e nevojshme sipas prindërve, për shkak të aftësive fizike të nxënësve, në raport me peshën e papërballueshme të çantave të stërngarkuara me libra, vendosën që t’i ndihmojnë fëmijët e tyre, ku ata me vete do të kenë vetëm librat sipas orarit mësimor, për t’u përgatitur për mësim. Drejtori i shkollës, Agron Zogaj, përveç që falënderoi, prindërit për kontributin që po japin në vazhdimësi për shkollën dhe fëmijët e tyre, po ashtu shprehi mirënjohje edhe për punën vullnetare të punëkryersëve për dollapët e vendosur nëpër klasa, duke thënë: “Shkolla jep edukatë, dije, ngritë cilësinë në mësim, por edhe bashkëpunon me komunitetin , si dhe kujdesët për shëndetin e nxënësve”,përfundon Zogaj. Realizimin e këtij projekti me rëndësi për nxënësit e shkollës e mundësuan prindërit, mobileria“Doni” në Mirushë, kurse një falënderim i veçantë është për z.Kastriot R. Kastratin i cili jeton dhe vepron në Zvicër. Komuniteti i prindërve, u shpreh i gatshëm edhe për projektet tjera të participoj në investimet shkollore, me qëllim që nxënësit të përfitojnë mësimnxënie cilësore.

Kontrolloni gjithashtu

Skenderaj po bëhet gati për marshin protestues “Kosova po pret”

Kryetari i komunës së Skenderajt, z.Sami Lushtaku përmes një postimi të tij në facebook, ka …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara