Fillimi / Lajmet / Prokuroria e Shtetit lëshoi takimin me Ministrinë e Drejtësisë për mos distancim nga deklaratat e zëvendës-ministrit, Sallahu
Prokuroria e Shtetit lëshoi takimin me Ministrinë e Drejtësisë për mos distancim nga deklaratat e zëvendës-ministrit, Sallahu

Prokuroria e Shtetit lëshoi takimin me Ministrinë e Drejtësisë për mos distancim nga deklaratat e zëvendës-ministrit, Sallahu

Përfaqësuesit e Prokurorisë së Shtetit kanë lëshuar mbledhjen e sotme me përfaqësuesit e Ministrisë së Drejtësisë, e cila mbahet në kuadër të grupit punues të MD-së për reformat e planifikuara në sistemin e drejtësisë. Këshilli Prokurorial i Kosovës nëpërmjet një deklaratë për media ka bërë me dije se arsyeja e largimit nga mbledhja ishte mos distancimi i Ministrisë së Drejtësisë nga deklaratat linçuese të zëvendësministrit të Drejtësisë, Blerim Sallahu, i cili prokurorët i ka cilësuar si “të involvuar në veprimtari kriminale”. “Pas deklarimeve të qëndrimeve dhe mos reagimit nga Ministria e Drejtësisë, përfaqësuesit e Këshillit Prokurorial, Prokurorit të Shtetit dhe Prokurorisë Speciale të Kosovës, kanë lëshuar takimin”, është thënë në reagimin e KPK-së. Qëndrimi i plotë i KPK-së para grupit punues të Ministrisë së Drejtësisë:

Të nderuar anëtar të këtij grupi punues,

Të nderuar partnerë ndërkombëtarë,

Të nderuar përfaqësues të Ministrisë së Drejtësisë,

Prezenca jonë si përfaqësues institucional të Këshillit Prokurorial të Kosovës, respektivisht Prokurorit të Shtetit, në këtë takim, është shenjë respekti dhe vlerësimi që e kemi për partnerët ndërkombëtarë dhe aktorët e tjerë që janë pjesë e proceseve, të cilët në forma dhe mënyra të ndryshme kanë ndihmuar dhe po ndihmojnë institucionet e vendit, me theks të veçantë ato të drejtësisë. Siç jeni në dijeni, para tri ditësh, zëvendësministri i Drejtësisë, z. Blerim Sallahu, i quajti prokurorët të involvuar në veprimtari kriminale dhe piramida kriminale. Një gjuhë kjo e paprecedentë, e papranueshme, linçuese dhe jashtë çdo logjike shtetndërtuese dhe institucionale.

Ndaj një gjuhë të tillë, ne kemi reaguar, ku kemi kërkuar distancim të pushtetit ekzekutiv nga deklaratat e tilla. Ky distancim akoma nuk ka ndodhur dhe kjo nuk krijon hapësirë për bashkëpunim ndërinstitucional dhe e minon skajshmërisht respektin e ndërsjellë.

Është e pakuptimtë që ne të flasim në suaza të respektit, kolegjialitetit dhe mirëbesimit me dikë që i quan prokurorët të involvuar ne veprimtari kriminale.

Mosdistancimi nga kjo gjuhë nënkupton paragjykime të atilla që janë krijuar pa bazë dhe janë tendencioze dhe kjo ngritë dilema serioze në qëllimin e vërtetë të sponzorisuesit për të rrënuar pavarësinë institucionale në emër të ndryshimeve dhe reformave ligjore në vazhdën e kësaj është dhe drafti i fundit për ndryshimet e Ligjit për Këshillin Prokurorial të Kosovës.

Prandaj, ne nuk do të mund të vazhdojmë të jemi pjesë e këtij grupi, pa një reflektim dhe distancim publik të zëvendësministrit të Drejtësisë ose pushtetit ekzekutiv.

Andaj, presim një qëndrim dhe reflektim të qartë dhe të bërë publik lidhur me çështjet e ngritura, në mënyrë që të mund të marrin pjesë në këto takime.

Ju faleminderit për vëmendjen tuaj dhe me kaq përfundon edhe qëndrimi ynë në këtë takim!

Sistemi Prokurorial i Kosovës mbetet i përkushtuar dhe i hapur për të bashkëpunuar me të gjithë pa përjashtim, brenda parimeve profesionale, gjithmonë duke e ruajtur ndarjen e pushteteve dhe pavarësinë institucionale dhe në ketë drejtim është thelbësore të ndërtohet besimi i ndërsjellë, të kultivohet një qasje konstruktive, pa paragjykime dhe e bazuar në objektivitet.

Kontrolloni gjithashtu

Dritan Abazoviq

Dritan Abazoviq: Nuk jam zemëruar nga ofendimet e rënda, por do t’ua tregojë gjithmonë vendin, atyre që nxisin urrejtje

Zëvendës-kryeministri i Malit të Zi dhe lideri i Lëvizjes Qytetare URA, Dritan Abazoviq tha se ...