Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Organet e ndjekjes në Kosovë si dhe Prokuroria e Shtetit, kanë bërë të ditur se prokurorët janë duke grumbulluar informata në lidhje me keqpërdorimin eventual të listave të veteranëve të UÇK-së. Zyrtarja për Informim e Prokurorisë së Shtetit, Liridona Kozmaqi, është cituar të ketë deklaruar se hetimet për këto lista janë duke vazhduar. Prokuroritë janë duke marrë veprimet e nevojshme në bazë të kompetencave që kanë dhe më pas, varësisht nga grumbullimi i informatave do të përcaktohet nëse ka fakte për ndjekje penale ndaj personave përgjegjës dhe rrjedhimisht edhe për ngritje të aktakuzës. Tani, në këtë fazë, ku hetimet janë duke vazhduar në prokuroritë kompetente, nuk mund të bëhen publike informatat e tjera, ka thënë zyrtarja e Prokurorisë, zonja Kozmaqi. Nga rreth 20.000 mijë luftëtarë sa kishte UÇK-ja në fund të luftës, Komisioni Qeveritar për kategoritë e luftës ka shpallur rreth 46 mijë veteranë, ndërkohë që numri i invalidëve është trefishuar.
