Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Prokuroria e Përgjithshme e landit Shlesvig-Holshtajn bën të ditur se do të kërkojë të esktradojë në Spanjë ish-kreun e qeverisë së Katalonjës, Carles Puigdemont. Drejtësia spanjolle e akuzon atë për kryengritje, për shkak të shpalljes së pavarësisë së Katalonjës, dhe prokuroria e landit gjerman ka bërë kërkesën për ekstradim në Gjykatë të Lartë. Carles Puigdemont u arrestua në fund të marsit në Gjermani. Qeveria gjermane është shprehur se nuk do të rëndohen marrëdhëniet me Spanjën për shkak të ish-kryetarit të qeverisë katalanase. Zëdhënësi i qeverisë, Steffen Seibert u shpreh pas arrestimit të Puigdemont, se rasti është trajtuar sipas ligjeve gjermane e rregulloreve evropiane në fuqi. “Spanja është një vend demokratik dhe konflikti për Katalonjën duhet të zgjidhet brenda të drejtës dhe ligjit kushtetues spanjoll”, ka thënë Seibert.
